نسيت النوم واحلامه، نسيت لياليه وايامه
بعيد عنك حياتي عذاب، متبعدنيش بعيد عنك
ماليش غير الدموع أحباب، معاها بعيش بعيد عنك
غلبني الشوق وغلّبني وليل البعد دوبني
ومهما السهد حيرني ومهما الشوق يسهرني
لا طول بعدك يغيرني ولا الأيام بتبعدني
لا نوم ولا دمع في عينيا، ما خلاش الفراق فيا
نسيت النوم وأحلامه، نسيت لياليه و أيامه
وبين الليل و آلامه، وبين الخوف و أوهامه
بخاف عليك، و باخاف تنساني
والشوق اليك على طول صحاني
غلبني الشوق وغلّبني وليل البعد دوبني
ومهما السهد حيرني ومهما الشوق يسهرني
لا طول بعدك يغيرني ولا الأيام بتبعدني
بعيد عنك
افتكرلي لحظة حلوة عشنا فيها للهوا
افتكرلي مرة غنوة يوم سمعناها سوا
خد من عمري عمري كله الا ثواني اشوفك فيها
م الشوق اه م الشوق وعمايله
ياما باداريها ياما، ياما باحكيها ياما
بخاف عليك، و باخاف تنساني
والشوق اليك على طول صحاني
غلبني الشوق وغلّبني وليل البعد دوبني
ومهما السهد حيرني ومهما الشوق يسهرني
لا طول بعدك يغيرني ولا الأيام بتبعدني
بعيد عنك
كنت باشتاق لك و انا و انت هنا، بيني و بينك خطوتين
شوف بقينا ازاي يا حبيبي، انا فين و انت فين
والعمل؟ ايه العمل؟ ما تقول لي اعمل ايه
والامل! انت الامل، تحرمني منك ليه!
عيون كانت بتحسدني على حبي، ودلوقتي بتبكي عليا من غلبي
وفين انت يا نور عيني يا روح قلبي فين
فين اشكي لك فين؟ عندي كلام و كلام و حاجات
فين دمعك يا عين؟ بيريحني بكايا ساعات
بخاف عليك، و باخاف تنساني
والشوق اليك على طول صحاني
غلبني الشوق وغلّبني وليل البعد دوبني
ومهما السهد حيرني ومهما الشوق يسهرني
لا طول بعدك يغيرني ولا الأيام بتبعدني
بعيد عنك
—
غناء ام كلثوم
اللغه مصرى
انتاج 1965
الملحن بليغ حمدى
المؤلف مأمون الشناوي
983